ՀՀ երկրորդ նախագահ, «Հայաստան» դաշինքի վարչապետի թեկնածու Ռոբերտ Քոչարյանն առաջարկում է վարչապետի թեկնածուների համար հոգեբուժական հետազոտություն անցնելու պահանջն օրենքով ամրագրել․ այս մասին նա ասաց այսօր Կոտայքի մարզի Չարենցավան քաղաքում՝ հավելելով, որ այս հարցն իրենց նախընտրական ծրագրում բաց են թողել, պետք է ուղղել այդ թերությունը։
Հիշեցնելով, որ նման պահանջը պարտադիր է վարորդական իրավունք ստանալու համար, նա տարօրինակ համարեց, որ երկիրը կարող է ղեկավարել մի մարդ, որի հոգեկան առողջությունը հաստատված չէ․ «Որպեսզի իշխանության ղեկին այլևս գժեր չլինեն»։
Ասաց՝ սովորական քաղաքացին ուզում է խաղաղ ապրել, աշխատանք ունենալ, վստահ լինել, որ երեխաները կրթություն կստանան և այլն, իսկ ի՞նչ են անում գործող իշխանությունները․ «Մշտական լարված մթնոլորտ, հիստերիկ դրսևորումներ, ժողովրդին իրար դեմ հանել։ Ժողովրդին պատերազմով են սպառնում։ Այս իշխանությունները կազինոն բերել են ամեն տուն, իսկ թմրանյութերը՝ ամեն դպրոց։ Դրա՞ համար են նրանց ձայն տվել, էլ չեմ խոսում ազգային հարցերի, Արարատն ու Արագածը հակադրելու, ՀԱԵ-ի դեմ հարձակումների մասին»։
Մանրամասները՝ տեսանյութում
Կարդացեք նաև
Ամբողջական տեսանյութը՝ այստեղ
Նելլի ԳՐԻԳՈՐՅԱՆ
