«Ա1+». «Սասնա ծռեր» խմբի անդամներ Կարո Եղնուկյանի, Արմեն Լամբարյանի, Աշոտ Պետրոսյանի, Խաչատուր Գիչյանի, Հովհաննես Վարդանյանի, Մանվել Աթոյանի, Արթուր Մելքոնյանի, Տիգրան Սարգսյանի, Գառնիկ Հովակիմյանի, Վարդգես Գեւորգյանի, Արթուր Սողոմոնյանի նկատմամբ քրեական հետապնդումը դադարեցվել է։
Երեւան քաղաքի ընդհանուր իրավասության դատարանի դատավոր Սուսաննա Գզոգյանը որոշել է քրեական վարույթը կարճել՝ հիմք ընդունելով «Էրեբունի-Երևանի հիմնադրման 2800-ամյակի եւ Հայաստանի առաջին Հանրապետության անկախության հռչակման 100-ամյակի կապակցությամբ քրեական գործերով համաներում հայտարարելու մասին» օրենքը։
Հիշեցնենք, որ համաներումը չկիրառվեց «Սասնա ծռեր»-ի մյուս 10 անդամների՝ Վարուժան Ավետիսյանի, Պավել Մանուկյանի, Մխիթար Ավետիսյանի, Արեգ Կյուրեղյանի, Սմբատ Բարսեղյանի, Արմեն Բիլյանի, Սեդրակ Նազարյանի , Էդվարդ Գրիգորյանի, Գագիկ Եղիազարյանի եւ մինչ դատավճռի հրապարակումը մահացած Արայիկ Խանդոյանի նկատմամբ։
Նրանք դատապարտվեցին 8 տարի 6 ամսվանից մինչեւ 25 տարվա ազատազրկման։ Որոշվել էր՝ Երեւանի 2800-ամյակին եւ Առաջին Հանրապետության 100-ամյակի կապակցությամբ 2018թ․ հայտարարված համաներմանը «Սասնա Ծռերի» գործով պետք էր հաշվի առնել տուժողների կարծիքը։
