Այսօր Վանաձորում հանրահավաքի ժամանակ ՀՀ 2-րդ նախագահ Ռոբերտ Քոչարյանը հայտարարել է՝ 2008 թվականին իշխանությունից հեռացել էր հանգիստ խղճով, որ Արցախը պաշտպանված է, իսկ Հայաստանը՝ ճիշտ ուղու վրա։
«Մտքումս չկար, որ կարող եմ վերադառնալ, ցանկություն չունեի զբաղեցնել որևէ պաշտոն։ Ասել եմ՝ հերիք է, արել եմ ինչ հնարավոր էր, հիմա ազատ մարդ եմ։ Եկավ 2018 թվականը, հնարավոր չէր մի կողմ քաշվել ու չզգալ, որ սա բերելու է մեծ ողբերգության։ Քարուքանդ են անելու մեր այն ձեռքբերումները, որ ունեցանք, և չսխալվեցի։ Հիմա ոչ թե ինձ են համոզում, որ գամ, ես եմ ձեզ համոզում՝ տվեք ինձ այդ հնարավորությունը, այդ լիազորությունները երրորդ անգամ անել ամեն ինչ, որ Հայաստանը մնա հայկական, հայերի համար»,- ասաց Ռոբերտ Քոչարյանը։
Ըստ նրա՝ մինչ այս իրեն են միշտ համոզել, որ պաշտոն ստանձնի, հիմա ինքն է իր ոտքով եկել ու խնդրում՝ այդ լիազորությունն ու հնարավորությունը․ «Երկիրը սրիկաներից պետք է ազատել»։
Կարդացեք նաև
Արփինե ՍԻՄՈՆՅԱՆ
