ԱԺ մշտական հանձնաժողովների համատեղ նիստում ՀՀ 2025 թվականի բյուջեի կատարման մասին տարեկան հաշվետվության ներկայացման ժամանակ ԱԳ նախարար Արարատ Միրզոյանն անդրադարձավ հարցին, որ Հայաստանը փորձում է խրախուսել արտահանումը դեպի ԵՄ։
«Քաղաքական որոշում է, եւ մենք տեսնում ենք ԵՄ մեր գործընկերների կողմից ամենաբարձր մակարդակով, նաեւ անդամ պետությունների կողմից մեծ պատրաստակամություն՝ աջակցելու ՀՀ տնտեսական, քաղաքական, ժողովրդավարական դիմակայունությանը։ Մենք ունեցանք քաղաքական պայմանավորվածություն, քաղաքական հավաստումներ, մենք ունեցանք որոշ տեսակի գյուղատնտեսական ապրանքների արդեն առաքումներ եւ սպառում եվրոպական շուկայում, ծաղիկները լավագույն օրինակն են։ Նիդերլանդները երեկ հայտարարեց, որ պատրաստ են բացել իրենց շուկան Հայաստանում աճեցված ծաղիկների համար։ Շատ էական ու մեծ քայլ է արված նույն ԵՄ ու Նիդերլանդների կողմից ՀՀ նկատմամբ։ Մնացած պայմանավորվածությունները քննարկման փուլում են, ընդհանուր քաղաքական ըմբռնում կամ ՀՀ-ԵՄ միջեւ, ընդհանուր համաձայնություն կա, մենք մտնում ենք տեխնիկական ձեւակերպումների փուլ։ Քաղաքական համաձայնությունն ու ճանապարհը կա»,- ասաց Միրզոյանը։
Արարատ Միրզոյանը նշեց, որ հայկական բեռները ԵՄ կարող են գնալ օդանավով, կարող են գնալ Վրաստանի տարածքով եւ Թուրքիայի տարածքով։
Կարդացեք նաև
Ամբողջական տեսանյութը՝ այստեղ
Ռոզա ՀՈՎՀԱՆՆԻՍՅԱՆ
