ՀՀ քաղաքացիություն է ձեռք բերել Արցախից բռնի տեղահանված 39 հազար 650 անձ, որից 27 696 անձի` նախագահի հրամանագրով շնորհվել է ՀՀ քաղաքացիություն։ Մերժման դեպքեր չեն եղել։ 2026-ի հունվարի 1-ից նկատվում է արցախցիների կողմից ՀՀ քաղաքացիության համար դիմելիության աճ․ հունիսի 1-ի դրությամբ այդ թիվը կազմել է 11 հազար 146։ Այս տվյալներն այսօր հրապարակեց ՀՀ ՆԳ նախարարի տեղակալ Արմեն Մկրտչյանը՝ խորհրդարանում, 2025 թվականի բյուջեի կատարողականի քննարկման ժամանակ։
Փոխնախարարը խոսեց նաև ԵՄ վիզաների ազատականացման մասին՝ հայտարարելով, որ ակտիվ փուլում են նոր կենսաչափական համակարգերի ներդրման աշխատանքները, 2026-ի աշնանը մարդիկ արդեն նոր կենսաչափական անձնագրեր ստանալու հնարավորություն կունենան։
«Հայաստանը միակ պետությունն է, որի հետ ԵՄ-ն վիզաների ազատականացման ակտիվ բանակցություններ է վարում և միակ պետությունն է, որը երկխոսության մեկնարկից հետո արագ ստացավ գործողությունների ծրագիրը»,- ասաց նա։
ՀՀ-ի՝ ԵՄ վիզաների ազատականացման գործողությունների ծրագիրը ՆԳ նախարար Արփինե Սարգսյանն էր ստացել։ Փոխնախարարը վստահեցնում է՝ սա խոսում է ԵՄ-ՀՀ նոր որակի հարաբերությունների մասին։
Կարդացեք նաև
Մանրամասները՝ տեսանյութում
Ամբողջական տեսանյութը՝ այստեղ
Նելլի ԳՐԻԳՈՐՅԱՆ
