«Հայաստանում խնդիր ունենալու են միայն օլիգարխները և նրանց «ընտրատասովչիկները»։ Առաջիկա հինգ տարում նրանք այդ խնդիրներից չեն ազատվելու։ Նրանք այնքան խնդիր են ունենալու, որ ես չգիտեմ, թե ինչ է լինելու»,- խորհրդարանում 2025 թվականի բյուջեի նախագծի քննարկումների ժամանակ, լրագրողների հետ զրույցում հայտարարեց ՔՊ խմբակցության պատգամավոր Վահագն Ալեքսանյանը՝ պատասխանելով հարցին, որ ԲՀԿ-ի ձայների անհասկանալի տատանումները իշխանությունների ձեռքի գործն են, քանի որ ԲՀԿ-ի՝ խորհրդարան չանցնելու դեպքում իշխող ՔՊ-ն 64 մանդատ է ստանում՝ իր համար սահմանադրական մեծամասնություն ապահովելով, իսկ եթե ԲՀԿ-ն ներկայացված է լինում խորհրդարանում, ապա իշխող ուժը խնդիր է ունենում։
Ինչ վերաբերում է սահմանադրական մեծամասնություն ունենալ-չունենալուն, Վահագն Ալեքսանյանը հիշեցնում է՝ գործող խորհրդարանում էլ ՔՊ-ն սահմանադրական մեծամասնություն չուներ։ Դիտարկմանը, որ հենց դա խնդիր առաջացրեց սահմանադրական հանրաքվե անցկացնելու համար, արձագանքեց․ «Սահմանադրական հանրաքվեի մասին կխոսենք, երբ դրա ժամանակը գա»։
Ինչ վերաբերում է ընտրությունների արդյունքների վիճարկմանը, Վահագն Ալեքսանյանը հիշեցնում է՝ ինքը ավելի վաղ էր կանխատեսել, որ «Ուժեղ Հայաստանը» պետք է դիմի ՍԴ։
Մանրամասները՝ տեսանյութում
Կարդացեք նաև
Նելլի ԳՐԻԳՈՐՅԱՆ
Լուսանկարը՝ ՔՊ ֆեյսբուքյան էջից
