Սահմանադրական դատարանը հունիսի 21-ին աշխատակարգային որոշումներ կայացրեց, մասնավորապես,
ՍԴԱՈ – 109, ՍԴԱՈ – 110, ՍԴԱՈ – 111, ՍԴԱՈ – 112, ՍԴԱՈ – 113, ՍԴԱՈ – 114, ՍԴԱՈ – 115, ՍԴԱՈ – 116, ՍԴԱՈ – 117, ՍԴԱՈ – 118, ՍԴԱՈ – 119, ՍԴԱՈ – 120, ՍԴԱՈ – 121, ՍԴԱՈ – 122, ՍԴԱՈ – 123, ՍԴԱՈ – 124, ՍԴԱՈ – 125, ՍԴԱՈ – 126, ՍԴԱՈ – 127, ՍԴԱՈ – 128, ՍԴԱՈ – 129, ՍԴԱՈ – 130, ՍԴԱՈ – 131։
Այն կապված էր «Ուժեղ Հայաստան» կուսակցությունների դաշինքի, «Միասնության թևեր» կուսակցության, «Դեմոկրատիա, Օրենք, Կարգապահություն» կուսակցության, «Բարգավաճ Հայաստան» կուսակցության, «Հանուն Հանրապետության ժողովրդավարության պաշտպանների դաշինք» կուսակցության, «Հայաստան» կուսակցությունների դաշինքի և «Նոր ուժ» ռեֆորմիստական կուսակցության դիմումների հիման վրա` ՀՀ Կենտրոնական ընտրական հանձնաժողովի 2026 թվականի հունիսի 14-ի` «Հայաստանի Հանրապետության Ազգային ժողովի 2026 թվականի հունիսի 7-ի հերթական ընտրությունների արդյունքներն ամփոփելու մասին» թիվ 259-Ա որոշման հետ կապված վեճի հետ։
Տեղեկացնեմ, որ Սահմանադրական դատարանի աշխատակարգային որոշմամբ երրորդ անձ ներգրավվեց «Քաղաքացիական պայմանագիր» կուսակցությունը:
Բացի այդ, որոշվեց միացյալ քննել դիմումը։
Կարդացեք նաև
Ըստ դիմումատու կուսակցությունների՝ այս վեճով անհնարին է Սահմանադրական դատարանի դատավոր Վլադիմիր Վարդանյանի, Սահմանադրական դատարանի դատավոր Արտակ Զեյնալյանի մասնակցությունը։ Դիմումատու կողմը նշել էր, «քանի որ …կանխակալ վերաբերմունք ունի որպես կողմ հանդես եկող անձի, նրա ներկայացուցչի, դատավարության այլ մասնակիցների նկատմամբ»։
Միավորված գործով զեկուցող է նշանակվել Սահմանադրական դատարանի դատավոր Է. Շաթիրյանը։
Գործի դատաքննությունը կանցկացվի բանավոր ընթացակարգով:
Ռուզան ՄԻՆԱՍՅԱՆ
«Առավոտ» օրաթերթ
23.06.2026
