ՀՀԿ գործադիր մարմնի անդամ, ԱԺ նախկին փոխխոսնակ Էդուարդ Շարմազանովը կոռեկտ չի համարում քննարկել իր ընդդիմադիր գործընկերներին՝ «ճի՞շտ են անում, սխա՞լ են անում»։ Մանդատներ վերցնել-չվերցնելու հարցն էլ տվյալ ուժերի՝ «Ուժեղ Հայաստան» և «Հայաստան» դաշինքների որոշելիքն է համարում․ «Սխալ է և արդյունավետ չէ այս փուլում տիտղոսային ընդդիմությանը քննարկել-քննադատելը»։
Ընդդիմադիր գործիչների նկատմամբ ռեպրեսիաների մասին հարցին էլ Էդուարդ Շարմազանովը պատասխանեց՝ իրենք ավելի վաղ էին զգուշացնում, որ ընտրություններով Փաշինյանին չհեռացնելու և նրա վերարտադրվելու պարագայում նա սաստկացնելու է ռեպրեսիաները ընդդիմախոսների նկատմամբ։ «Ինքն անում է այն, ինչ ասել է։ Իհարկե, մենք համամիտ չենք և դատապարտել ենք»,- ասաց Էդուարդ Շարմազանովը։
Էդուարդ Շարմազանովը հիշեցնում է՝ ՀՀԿ-ն ամենաարդյունավետ ճանապարհը համարել է համախմբվելը և փողոցային ճնշմամբ իշխանությանը հեռացնելը՝ զուգահեռելով այն իմպիչմենթի գործընթացով․ «Բագրատ սրբազանի սկսած շարժումից հետո մենք 1,5 տարի ունեինք դա անելու համար։ Չարեցինք»։
Ամեն դեպքում, նկատում է՝ Հայաստանի ընտրություններին մասնակցած քաղաքացիների «50+1» տոկոսը դեմ է քվեարկել Նիկոլ Փաշինյանի՝ Հայաստանի ադրբեջանացման թեզին։
Կարդացեք նաև
Իսկ ընդդիմության միավորումը, առաջին հերթին, կարծում է՝ պետք է լինի գաղափարական։ Նաև ամեն մեկին, ով իշխանության դեմ կխոսի, ընդդիմություն չի համարում․ «Ես էլ եմ ընդդիմադիր, Աշոտյանն էլ, նա է՞լ, ով հենց Նիկոլը պաշտոն չի տալիս, դեմ է խոսում»։
Մանրամասները՝ տեսանյութում
Ամբողջական տեսանյութը՝ այստեղ
Նելլի ԳՐԻԳՈՐՅԱՆ
