Սահմանադրական դատարանում այսօր փորձարկեցին հունիսի 7-ի խորհրդարանական ընտրություններին օգտագործված ծրարները, որոնք, ըստ ընտրության արդյունքները վիճարկող քաղաքական ուժերի ներկայացուցիչների, եղել են թափանցիկ։
Ըստ «Միասնության թևերի» ներկայացուցչի՝ մամուլում առկա տվյալներով՝ ծրարների թափանցիկության դեպք է գրանցվել Մալաթիա 7/44 տեղամասում, 7/40-ում էլ է վկայակոչվել։ Ըստ նրա՝ յուրաքանչյուր հրապարակմանը կցված է լուսանկար, որտեղ հստակ երևում է թափանցիկությունը։
ՍԴ դատավոր Սեդա Սաֆարյանն էլ հարց ուղղեց «Ուժեղ Հայաստանի» ներկայացուցիչ Գոհար Մելոյանին՝ հետաքրքրվելով, արդյոք տարածքներում ունեցել են վստահված անձինք, գրանցամատյաններում գրառումներ եղե՞լ են այդ մասին, և քանի տեղամասում է այս խնդիրը գրանցվել։ Մելոյանի խոսքով՝ չորս տեղամասում եղել է, արձանագրումներ են եղել, կան դեպքեր, երբ տեսագրությամբ փաստվել է, որ իրենց վստահված անձին խոչընդոտել են գրանցամատյանում արձանագրում անել։
ԿԸՀ քարտուղար Արմեն Սմբատյանն էլ ասաց, որ ծրարների թափանցիկության դեպքեր են եղել 2021-ին, 2018 և 2017 թվականներին. «Ծրարն ինչ հաստությամբ պետք է անել, որ, եթե կա միտում, հնարավոր չլինի տեսնել քվեաթերթիկի համարը։
Կարդացեք նաև
Ունե՞նք փաստ, որ թափանցիկ քվեաթերթիկով ինչ-որ մեկը մյուսի ընտրելն է վերահսկել: Եթե կա նման փաստ, եկեք գնանք դրա հետևից, պատասխանատվության ենթարկենք»։
Արփինե ՍԻՄՈՆՅԱՆ
