Factor.am. Հուլիսի 10-ին Բաքվի վերաքննիչ դատարանում շարունակվել է Արցախի ռազմաքաղաքական ղեկավարների շինծու գործերով դատավճիռների դեմ ներկայացված բողոքների քննությունը, գրում են ադրբեջանական լրատվամիջոցները։
Վերաքննիչ դատարանի դատավոր Էլմար Ռահիմովի նախագահությամբ ու դատավորներ Էմին Մեհդիևի և Մեհրիբան Գարաևայի մասնակցությամբ անցկացված նիստին մասնակցել են նաև հայ գերիների պաշտպանները, թարգմանիչները, այսպես կոչված, «տուժողների» ներկայացուցիչները, պետական մեղադրողներ Աբբաս Աբբասլին, Անար Ալեքբերովը և Սևինջ Գասիմովան։
Նախորդ նիստում իր ելույթը սկսած Արցախի նախկին նախագահ Բակո Սահակյանը, ներկայացրել իր փաստարկները, իր անհամաձայնությունն է ներկայացրել առաջադրված մեղադրանքների հետ և խնդրել է չեղյալ հայտարարել առաջին ատյանի դատարանի որոշումը։
Ելույթ են ունեցել նաև Արցախի ՊԲ նախկին հրամանատարի տեղակալ Դավիթ Մանուկյանի պաշտպանները։
Կարդացեք նաև
Նրանք խնդրել են դատարանին նրա նկատմամբ արդարացման դատավճիռ կայացնել։ Մանուկյանը, իր հերթին, իր պաշտպանության հետ կապված փաստարկներն է ներկայացրել։ Հաջորդ դատական նիստը կկայանա հուլիսի 17-ին։
