«Դուք հենց նոր ԱԺ ամբիոնից մեր ժողովրդի մի մասին կամ մեծ մասին տգետ կամ անգրագետ որակեցիք։ Պարոն Հարությունյանն իր խոսքի մի կտորում փաստացի որակում է տալիս մեր ժողովրդի մի մասին, մեր ժողովրդին՝ նրանց անգրագետ ասելով։ Սա ասում է մի մարդ, որը կառավարության նիստին նստած, իր անմիջական ղեկավարն ասում է հետևյալը, որ մենք 7, թե 8 տարի նույն դասարանում ենք մնացել։
Կլինի՞ դուք նախ տեղափոխվեք երկրորդ դասարան, հետո մտածեք մեր ժողովրդի՝ ավելի լավ կրթություն ստանալու մասին»,- իր ելույթում անդրադառնալով ՔՊ խմբակցության պատգամավոր Արայիկ Հարությունյանի հայտարարություններին՝ ասաց «Հայաստան» խմբակցության ղեկավար Աննա Գրիգորյանը։
Արայիկ Հարությունյանն իր ելույթում անդրադառնալով ընդդիմադիր գործընկերների դիտարկումներին, մասնավորապես նշել էր․ «Ինչի՞ են իրենք կրթությանը խփում, իրենք քայքայել են կրթությունը 30 տարի շարունակ։ Եվ դուք եկել, կրթությունից եք խոսում։ Ինչի՞ են 2018, 2019-ին բարեփոխումների ժամանակ ՀՅԴ-ականները պարում ԿԳ նախարարության պատուհանի տակ, որ խափանեին բարեփոխումները, որովհետև իրենց պետք է անգրագետ մասսա, որին կարող են կաշառքով գնել։ Ցավոք, մեր բնակչության մի մասը շարունակում է այդ գրագիտության խնդիրն ունենալ և կաշառվել»։
Կարդացեք նաև
ԱԺ նիստն ամբողջությամբ՝ տեսանյութում
Տաթև ՀԱՐՈՒԹՅՈՒՆՅԱՆ
