Վերջին մեկ տարվա ընթացքում «Էրեբունի» պատմահնագիտական արգելոց-թանգարանում իրականացվել են ենթակառուցվածքների բարելավման, տարածքի բարեկարգման և անվտանգության բարձրացման մի շարք աշխատանքներ։
Այս ընթացքում՝
▫️ շուրջ 20 բեռնատար աղբ և թափոն է հեռացվել թանգարանի ու հարակից տարածքներից,
▫️ կապիտալ նորոգվել է թանգարանի շուրջ 750 քմ տանիքը,
Կարդացեք նաև
▫️ վերանորոգվել է 150 քմ ներքին բակը,
▫️ մաքրվել և մասնակի վերանորոգվել է կոյուղատար համակարգը, վերականգնվել է ոռոգման համակարգի մի մասը,
▫️ երկրորդ հարկում իրականացվել է կապիտալ նորոգում, կառուցվել են օդափոխության և հակահրդեհային ազդարարման համակարգեր,
▫️ նորոգվել է կրթական ծրագրերի և ամառային դպրոցների համար նախատեսված արհեստական պեղավայրը,
▫️ ամբողջությամբ նորոգվել են թանգարանին պատկանող երկու տրանսպորտային միջոցները։
🌳 Բարեկարգման աշխատանքները ներառել են նաև կանաչ տարածքները․ տնկվել է 100 իտալական կիպարիս։
Տարիներ շարունակ չգործած ոռոգման համակարգի հետևանքով չորացած և կենսունակությունը կորցրած ծառերը փոխարինվելու են նոր ծառատեսակներով:
Իրականացված աշխատանքների նպատակն է բարելավել «Էրեբունի» պատմահնագիտական արգելոց-թանգարանի պահպանության պայմանները, բարեկարգել տարածքն ու այցելուների համար ստեղծել առավել հարմարավետ և անվտանգ միջավայր։
Երևանի քաղաքապետարան
