Արամ Վարդևանյան․ «Կառավարության ծրագրի ստուգումը կամ վերահսկողությունը պետք է իրականացվի՝ ըստ ճյուղային մշտական հանձնաժողովների։ Երբ դրանք չկան ձևավորված, կառավարության ծրագրի՝ ԱԺ-ի կողմից պատշաճ քննությունը ո՞նց պետք է լինի»։
«Սահմանադրությունը նախատեսում է, որ կառավարության ձևավորման պահից 20-օրյա ժամկետում պետք է ներկայացվի կառավարության ծրագիրն ԱԺ-ին, այնուհետև ԱԺ-ն պետք է քննարկի դրան հավանություն տալու, հաստատելու հարցը։ Դա էլ պետք է տևի յոթ օր։ Բայց մենք ունենք մի իրավիճակ, որ ԱԺ-ն դեռևս սահմանադրաիրավական տեսանկյունից ամբողջությամբ չի ձևավորվել»,- անդրադառնալով այն որոշմանը, որ երկուշաբթի օրվանից ԱԺ-ն կքննարկի կառավարության կառուցվածքն ու ծրագիրը, լրագրողների հետ ճեպազրույցում ասաց ԱԺ նախագահի տեղակալ Արամ Վարդևանյանը։
Նա բացատրեց, թե ինչու պետք է ԱԺ-ի ձևավորման փուլը նախորդի կառավարության ծրագրի ներկայացմանը․ «Տրամաբանություն կա։ Կառավարության ծրագրի ստուգումը կամ վերահսկողությունը պետք է իրականացվի՝ ըստ ճյուղային մշտական հանձնաժողովների։ Երբ դրանք չկան ձևավորված, կառավարության ծրագրի՝ ԱԺ-ի կողմից պատշաճ քննությունը ո՞նց պետք է լինի։ Չէ՞ որ Սահմանադրությունը նախատեսել է 20-օրյա ժամկետ։ Եվ Սահմանադրությունն ավելի բարձր իրավաբանական ուժ ունի։ Կառավարությունը բերել է ծրագիր, որը պատկերացնում է՝ պետք է իրագործի այն կառավարության կառուցվածքով, որը ներկայացրել է։ Ստացվում է՝ մենք կառավարության կառուցվածքը դեռ չքննարկած պետք է ծրագիրը քննարկենք։ Այն, որ այս խնդիրը բացառապես իշխանության կողմից էլ ստեղծվել է, դա էլ է ակնհայտ, որովհետև, եթե այն երեք թեկնածուները, ում չընտրեցին, https://www.aravot.am/2026/08/20/1575425/ ընտրած լինեին, այս խնդիրը չէր լինելու, ընտրելու դեպքում մենք երեկ քննարկելու էինք կառավարության կառուցվածքի հետ կապված օրենսդրական նախաձեռնությունը»։
Արամ Վարդևանյանի ճեպազրույցն՝ ամբողջությամբ
Կարդացեք նաև
Տաթև ՀԱՐՈՒԹՅՈՒՆՅԱՆ
