ԱԺ «Պատիվ ունեմ» դաշինքի նախկին պատգամավոր, Արցախի Հանրապետության նախագահի նախկին խորհրդական Տիգրան Աբրահամյանի ֆեյսբուքյան գրառումը
Արցախի անկախության հռչակման օրը տարիներ շարունակ եղել է այն երկու հիմնական տոներից մեկը, որը ազգովի նշել ենք, հպարտացել ու բաժակ բարձրացրել։
Դա արել են նույնիսկ նրանք, ովքեր այսօր անամոթաբար Արցախն Ադրբեջան են հռչակում կամ անտարբերությամբ անցնում մեր ժողովրդի արցախյան հատվածի հետ տեղի ունեցած Ցեղասպանության կողքով։
Քանի դեռ կա պայքար հայկական Արցախ վերադարձի համար, քանի դեռ կան մարդիկ, ովքեր խորապես գիտակցում են Արցախի հայկականության և դրա նշանակության մասին, քանի դեռ կան մարդիկ, ովքեր իրենց ներսում չեն հանձնվել, Արցախի համար պայքարը շարունակելու է մնալ ակտուալ։
Կարդացեք նաև
Փառք ու պատիվ մեր նվիրյալներին։
Հավերժ փառք Հայրենիքի անկախության և պաշտպանության ճանապարհին նահատակված մեր հերոսներին։
