Օգոստոս ամսվա ամփոփմամբ հարկային եկամուտները բավականին բարձր տեմպերով աճում են․ այս մասին այսօր կառավարության նիստում հայտարարեց Պետական եկամուտների կոմիտեի նախագահ Էդուարդ Հակոբյանը։
Հունվար-օգոստոս ամիսներին արձանագրվել է հարկերի հավաքագրման շուրջ 15% աճ․ «Նախորդ տարվա համեմատ հավաքագրվել է 258 միլիարդ դրամով ավելի հարկային եկամուտ, ինչը վկայում է նաև ստվերի շարունակական նվազման մասին»։
Նիկոլ Փաշինյանը գոհ էր, ընդգծեց, որ առաջանցիկ տեմպերով ապահովվում է պետական բյուջեի եկամտային հատվածը: Նույնիսկ շնորհակալություն հայտնեց Հայաստանում աշխատող, արդյունք ստեղծող, օրենքով սահմանված հարկերը վճարող, ՀԴՄ թողարկող և պահանջող քաղաքացիներին։ Ընդգծեց՝ քաղաքացիական ընկալման փոփոխությունը. «Երբ մարդիկ տեսնում են նորակառույց դպրոցներ, մանկապարտեզներ, ճանապարհներ, լուսավորություն, կենսաթոշակների և առողջության ապահովագրության բարելավում, հասկանում են, որ վճարած հարկերն ուղղվում են իրենց իսկ բարեկեցությանը»։
Մանրամասները՝ տեսանյութում
Կարդացեք նաև
Ամբողջական տեսանյութը՝ այստեղ
Նելլի ԳՐԻԳՈՐՅԱՆ
