«Հետապնդվում են բոլոր ընդդիմադիր ուժերի ղեկավարները։ Այստեղ կոռուպցիայի, թալանի կռիվ չէ, այդ մարդիկ կալանավորված չեն ոչ կոռուպցիայի, ոչ թալանի համար»,- Գագիկ Ծառուկյանի գործով դատական նիստից առաջ լրագրողների հետ զրույցում այսպիսի կարծիք հայտնեց ԱԺ «Հայաստան» խմբակցության պատգամավոր Մեսրոպ Մանուկյանը։
Այս պահին դատարանը քննում է Գագիկ Ծառուկյանի կալանքը երկարացնելու վերաբերյալ միջնորդությունը։
Մեսրոպ Մանուկյանը վստահեցրեց՝ Ռոբերտ Քոչարյանը կալանավորված չէ ոչ հոկտեմբերի 27-ի, ոչ մարտի 1-ի, ոչ էլ կոռուպցիայի համար, այլ իր պարտականությունները կատարելու համար․ «Գագիկ Ծառուկյանի մասին բոլորն անխտիր գիտեին։ Նիկոլ Փաշինյանի համար ինքը եղել է խոշոր գործարար, այսօր ոխերիմ թշնամի է համարում։ Գագիկ Ծառուկյանին հետապնդում են, որովհետև լեգիտիմության ճոճը Նիկոլ Փաշինյանին ու ՔՊ-ին տալիս է, իրենց ստվերի պես հետապնդում է, որ գողացել են ԲՀԿ ձայները, ընտրությունները կեղծել են»։
Կարդացեք նաև
Գագիկ Ծառուկյանի կալանքը երկարացնելու վերաբերյալ միջնորդության քննությունն ամբողջությամբ՝ տեսանյութում
Տաթև ՀԱՐՈՒԹՅՈՒՆՅԱՆ
