Armenia Sputnik. Հարավային Կովկասում իրավիճակը բարելավման միտում ունի: Դրան մեծապես նպաստել է Հայաստանի և Ադրբեջանի հարաբերությունների կարգավորումը։ Տարածաշրջանում փաստացի խաղաղություն է հաստատվել, Մոսկվայում ԱՊՀ երկրների Անվտանգության խորհուրդների քարտուղարների հանդիպման ժամանակ հայտարարել է ՌԴ Անվտանգության խորհրդի քարտուղար Սերգեյ Շոյգուն։
Մեծ նշանակություն ունի տրանսպորտային հաղորդակցությունների ապաշրջափակումը։ Դրա վերաբերյալ պայմանավորվածությունները ձեռք էին բերվել դեռևս Ռուսաստանի, Հայաստանի և Ադրբեջանի մասնակցությամբ աշխատանքային խմբի շրջանակում։ Միևնույն ժամանակ, բոլոր լոգիստիկ նախագծերը պետք է ունենան տնտեսական հիմնավորում և լինեն ինքնածախսածածկվող։
2024 թվականին Վրաստանի իշխանություններին գործնականում հաջողվել է կանխել վրացական արևմտամետ ընդդիմության նախաձեռնած պետական հեղաշրջումը, և նրանք սկսել են վարել երկրի ազգային շահերի պաշտպանությանն ուղղված քաղաքականություն։
