Գորիսի՝ 1992-94 թվականների քաղաքապետ, տարածաշրջանի ինքնապաշտպանության կոմիտեի համանախագահ Սամվել Հարությունյանի տեղեկություններով, Սյունիքի նախկին մարզպետ Սուրիկ Խաչատրյանը իսկապես վաճառքի է հանել Գորիսի իր առանձնատունը:
«Սուրիկ Խաչատրյանը, հավատարիմ մնալով իր մականվանը, չի կարող չգիտակցել, որ բազմաթիվ ոճիրներից հետո, մասնավորապես հունիսի մեկին տեղի ունեցած ծանրագույն հանցագործությունից հետո այլեւս չի կարող ընտանիքով բնակվել Գորիսում»,- Aravot.am-ին ասաց պարոն Հարությունյանը:
Նա առայժմ չգիտի, թե ինչ գնով է պարոն Խաչատրյանը մտադիր վաճառել այդ առանձնատունը. «Առայժմ խոսում են հնարավոր գնորդների՝ ալրաղացի տերեր Սպարտակի կամ Ժորայի մասին: Վստահ եմ՝ թե նրանք եւ թե այլ մեծահարուստներ լայնախոհ կգտնվեն եւ նրա սեփականություններից որեւէ մեկը չեն գնի»:
Պարոն Հարությունյանի խոսքով, տարիներ առաջ՝ Գորիսի այդ առանձնատան կառուցման ժամանակ, աշխատանքներ իրականացնող վարպետներից մի քանիսը իրեն ասել են, թե վստահ են, որ մի օր այդ ապարանքը կդառնա մանկատուն. «Ուրախ պետք է լինեմ, որ Գորիսի բնակիչների ընդհանուր ժողովը որոշում ընդունի, որ այդ առանձնատունը, որը կառուցվել է Գորիսի սուրբ Գրիգոր Լուսավորիչ եկեղեցու գմբեթի համար հանգանակված միջոցների եւ այլ միջոցների հաշվին պետք է դառնա մանկատուն, երկիր մոլորակի ամենահարմար մանկատունը»:
Կարդացեք նաև
Արփինե ՍԻՄՈՆՅԱՆ
Եթե Գորիսցիները արժանապատվորեն մոտենան այս հարցին իհարկե ոչ ոք չի գնի այդ առանձնատունը, միայն այն փաստը որ տունը կառուցվել է եկեղեցու գմբեթի համար հանգանակված միջոցների հաշվին,/եթե իհարկե դա այդպես է/, ապա պետք է մի քիչ աստվածավախ լինել և հավատալ որ այդ տունը հանգիստ կյանք չի ունենա…..
Մեկա ` արդար դատաստանից չի ճողոպրելու:
Ո ՞ վ պիտի «ապրի» էդ անիծված տանը: Անեծք կա այդ «տան» վրա: Ո՞վ այդքան ցածր ու անհոգի կգտնվի,որ էդ տուը գնի:
Պետությունը պիտի ԱՆՊԱՅՄԱՆ բռնագանձի այդ տունը ու սարքի հասարակական օբյեկտ:
Երանի նրանց,ով արդարության քաղց ու ծարավ ունեն,քանի որ նրանք կհագենան…. Դատաստանից ոչ ոք չի ճողոպրելու!
Այդ տունը վայելել չի լինի, ինչքան ուրվականներ ու հոգիններ հիմա կան այնտեղ…իսկական անեծքի բուն