Լրահոս
Օրվա լրահոսը

Գեղամ Գևորգյան. Այս պահին 17 ընթացիկ և 3 ավարտված վարույթներ են առկա կառուցապատման ոլորտում

Նոյեմբեր 20,2026 17:56 Share
Աջակցեք aravot.am-ին

Մրցակցության և սպառողների շահերի պաշտպանության հանձնաժողովում տեղի է ունեցել հանդիպում՝ «Անշարժ գույք գնելու իրավունքի վաճառք իրականացնող կառուցապատողների գործունեության կարգավորման մասին» օրենքի նախագծի, ինչպես նաև ոլորտում կառուցապատողների և սպառողների միջև ծագող խնդիրների քննարկման նպատակով։

Քննարկմանը մասնակցում էին էկոնոմիկայի, արդարադատության նախարարությունների, քաղաքաշինության կոմիտեի,  Երևանի քաղաքապետարանի,  Կառուցապատողների հայկական ասոցիացիայի ներկայացուցիչներ։

Հանձնաժողովի նախագահ Գեղամ Գևորգյանը նշել է, որ այս պահին 17 ընթացիկ և 3 ավարտված վարույթներ  են առկա կառուցապատման ոլորտում՝ կարևորելով նախատեսվող օրենսդրական փոփոխությունների միջոցով սպառողների կողմից բարձրացվող կրկնվող բնույթ ունեցող հարցերի համակարգային լուծումը։

Նա անդրադարձ է կատարել սպառողների լավագույն շահի պաշտպանության տեսանկյունից Հանձնաժողովի կողմից ներկայացված հիմնական  առաջարկներին։ Մասնավորապես շեշտվել է գնման իրավունքի վաճառքի իրավունք ունեցող կառուցապատողների դեպքում երաշխիքի առկայության կարևորությունը (ապահովագրություն, բանկային երաշխիք կամ հատուկ հաշվին փոխանցված միջոցներից անհետկանչելիորեն հրաժարում), ինչը կապահովագրի գնորդներին վճարված գումարների ետվերադարձի ռիսկերից, իսկ տնտեսավարողին թույլ կտա խուսափել սնանկացումից։

Խոսվել է նաև մասնագիտացված կառուցապատողների ինքնակարգավորվող կազմակերպությունների (ԻԿԿ) կազմավորման, վարկանիշավորման չափորոշիչների և այլ հարցերի մասին։ Ընդգծվել է նորակառույց շենքերի սպասարկումը  երեք տարի ժամկետով կառուցապատողի կողմից իրականացնելու օրենսդրական դրույթի սահմանման հարցը։

Մրցակցության և սպառողների շահերի պաշտպանության հանձնաժողով

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Ամենաընթերցված

Օրացույց
Նոյեմբեր 2026
Երկ Երե Չոր Հնգ Ուրբ Շաբ Կիր
« Հոկ    
 1
2345678
9101112131415
16171819202122
23242526272829
30