Այս օրերին, երբ նշվում է «Առավոտի» 20-ամյակը, ուզում եմ հնարավորինս խուսափել ավելորդ պաթոսից եւ խոսել մի քանի բառերի մասին՝ այնպես, ինչպես որ ես եմ հասկանում:
Սեր: Նայում եմ հին եւ նոր, ներկա եւ նախկին առավոտցիների նկարները՝ այսօրվա, 5, 10, 15 տարվա, եւ զգում եմ, որ ոչ միայն ես եմ նրանց սիրում, այլեւ նրանք՝ ինձ: Նաեւ՝ իրար: Հենց նկարներից էլ զգում եմ: Առանց «լայքերի» եւ մեկնաբանությունների:
Առավոտցի: Եթե կան մարդիկ, ովքեր իրենց այդպես են անվանում եւ այդ բառն արտասանում են հպարտությամբ, առանձին շեշտադրմամբ, ուրեմն՝ թերթի կամ կայքի ամեն մի թողարկում պետք է արժանի լինի այդ մարդկանց զգացողությանը:
Երազանք: Որ Նաիրան եւ Ժենյան մեզ հետ լինեն: Ինչ-որ իմաստով նրանք, իհարկե, մեզ հետ են:
Մրցակցություն: Իբր բարիքներն այս աշխարհում քիչ են, բոլորին չեն հերիքում, եւ ամեն մի պատառի համար պետք է կոկորդ պատռել: «Շտապեք, ընթերցողների քանակը սահմանափակ է եւ խլխլեք այդ ընթերցողներին իրարից»: Կամ՝ ավելի վատ. «Բացատրեք ընթերցողներին, որ դուք լավն եք, իսկ ձեր եղբայրները՝ վատը»: Ժամանակի անիմաստ կորուստ է:
Օբյեկտիվություն: Պատրանք է: Մարդը չի կարող օբյեկտիվ լինել: Նա կարող է լինել բարի, ներողամիտ, լայնախոհ, հանդուրժող:
Կարդացեք նաև
Անկախություն: Դարձյալ պատրանք է: Մարդը չի կարող անկախ լինել: Կենդանի մարդը: Դիակը կարող է, որովհետեւ նրան այլեւս ոչինչ պետք չէ: Կենդանի մարդը կարող է լինել թերահավատ՝ չհասցնելով, սակայն, իր թերահավատությունը ցինիզմի:
Պայքար: Բոլոր ժամանակների բոլշեւիկների կարգավիճակը: Նա, ով կարծում է, թե կյանքը պայքար է, կյանքից ոչինչ չի հասկանում: Պետք չէ պայքարել աղբի դեմ, պետք է առանց ավելորդ աղմուկի գցել այն աղբամանը:
Տանջանք: «Բա, աղջիկ ջան, երեխա ես ունեցել 20 տարի առաջ, հիմա սաղ կյանքդ պիտի տանջվես: Աշխարհի կարգն է էդ ձեւ»: Դարձյալ «պայքարի» սերիայից է: Կյանքը տանջանք չէ, եթե մենք չենք ուզում, որ այդպիսին լինի: Կյանքը հաճույք է:
Սեր: Դու տալիս ես ավելի շատ, քան վերցնում ես: Արդյունքում ստանում ես ավելի շատ, քան տալիս ես:
ԱՐԱՄ ԱԲՐԱՀԱՄՅԱՆ
Ծերացել եք։։
Շնորհավորում եմ բոլոր առավոտցիներին թերթի 20-ամյակի կապակցությամբ: Ձեր թերթն ինձ շատ է օգնել: Շնորհակալություն:
Սիրելի, սիիրելի, սիրելի պարոն Աբրահամյան!!Շնորհավորում եմ!! «Առավոտն» ու առավոտցիները Ձեր կերտածն էն, Ձեր մարդկային տեսակի կրողը: Այս արտահայտությունը «Առավոտը» սեր է», չեմ լսել որեւէ այլ պետից, ղեկավարից, տնօրենից…Այդ լիբերալ, չկաշկանդող, չպարտադրող, հենց դրանով էլ լուսավորը դեպի սերը, մարդիկ, երեւույթներ Ձեզանից է սփռվել «Առավոտում»: Աստված պահապան Ձեզ ու Ձեր մեծ, բազմանդամ ընտանիքին, Մելուշին,երեխաներին եւ իհարկե «Առավոտին» եւ առավոտցիներին)))
Շնորհավորում եմ բոլոր առավոտցիներին:Ցանկանում եմ հնարավորին չափ անաչառություն։Ընթերցում եմ Ա.Աբրահամյանի բոլոր հոդվածները։Շնորհակալություն:
Շնորհավորում եմ եվ շնորհակալ եմ…
Շնորհավորում եմ; Միակ թերթն է, որ կարդացել եմ այդ քսան տարիների ընթացքում, և միակ թերթն է, որին արձագանքել եմ: Երկար կյանք եմ ցանկանում;
Շնորհավորում եմ: Մշտապես կարդում եմ և երբեմն էլ մեկնաբանություններ գրում… Հարգանքով՝ Ա. Բաբայան
ԱՌԱՎՈՏՑԻՆԵՐ Շնորհավորում եմ !!!
Շնորհավորում եմ: Գրեթե ամեն օր ընթերցում եմ, ճիշտ է ոչ բոլոր դեպքերում եմ համաձայնում պ-ն Աբրահամյանի կամ մյուս լրագրողների հեղինակած հոդվածներում առկա վերլուծության կամ արտահայտված տեսակետի հետ, բայց, այնուամենայնիվ, ուրախ եմ, որ կա <>-ը: Մեկ անգամ ևս շնորհավորում եմ:
Շնորհավորում եմ առավոտցիներին իրենց անցած 20-ամյա դժվար ու պատվավոր ճանապարհի առթիվ: Յուրօրինակ անհատականություն ունեցող մեր սիրելի Արամ Աբրահամյանին ցանկանում եմ կոմպլեմենտար օբյեկտիվության պահպանում (Իմ անունն է Արամ` մեկ նալին, մեկ մեխին խփել կարամ): Մեծ ինտուիցիա ունեցող և արագագործ Աննա Իսրաելյանին ցանկանում եմ աշխատանքային ծանր բեռին դիմագրավելու արտադրական նոր հզորությունների ձեռքբերում: Կոլեկտիվի բոլոր անդամներին ցանկանում եմ համբերություն` աջից ու ձախից, տեղին ու անտեղի, չափավոր ու անտակտ քննադատություններին դիմանալու համար:
Մենք` “Առավոտի” ընթերցասերներս չենք պատկերացնում մեր օրվա սկիզբը առանց “Առավոտի” հետ բարի լույսի: Մենք սիրում ենք քեզ` մեր “Առավոտ” լուսո:
Նալին խփես մեխը կերևա,
Մեխին խփես նալը,
Մախ փնտրողը մեխ կգտնի,
Նալ փնտրողը `նալ:
Շնորհավորանք եւ օրհնություն «Առավոտ»ի ողջ անձնակազմին` թերթի 20-ամյակի առիթով: Չեմ ուզում գովեստի խոսքեր շռայլել, միայն ասեմ, որ «Առավոտ»ը անհրաժեշտ է, օգտակար է: Ձեզ մաղթում եմ հետագա բազում-բազում ամյակներ:
Շնորհավորում եմ. Հատկանշում եմ Արավոտի ինտերնետ կայքի գործունեւթյունը. Ընթերցում եմ 98 թվից ինտերնետ կայքի միջոցով.
«Արավոտ – Արավոտյան պատուհան դեպի Հայաստան». Բարեմաղթանքներս ……
Այն հարցում,թե ինչ բան է «ճշմարտությունը»,թերեւս «Առավոտ»-ը աշխատում է մեզ ներկայացնել։
Շնորհակալություն եւ բազմամյա շնորհավորանքներ։
Ես Ձեր կոլեկտիվին շատ սիրում և հարգում եմ։ Աստված Ձեզ միշտ այդպես ԶՈՐԵՂ պահի։