Հայաստանում ապրիլի 2-ին կայանալիք խորհրդարանական ընտրություններին ակտիվ պատրաստվում են կուսակցությունները: Այսօր՝ հունվարի 15-ին «Քաղաքացիական պայմանագիր» կուսակցությունը համաժողովի ձեւաչափով կազմակերպել էր քվեարկություն՝ որոշելու կուսակցության համամասնական ցուցակը:
Կուսակցության վարչության անդամ Ալեն Սիմոնյանը Aravot.am-ի հետ զրույցում նշեց, որ 35 հոգանոց (որից 4-ը ընտրացուցակում չկային) ցուցակում առաջին 6 տեղերը ամենաբարձր միավորներով զբաղեցնում են Նիկոլ Փաշինյանը, Սասուն Միքայելյանը, Արայիկ Հարությունյանը, Ալեն Սիմոնյանը, Սուրեն Պապիկյանը եւ Լենա Նազարյանը: «Մենք մեր ցուցակը ձեւավորեցինք ամենադեմոկրատական ձեւով՝ 276 հոգուց բաղկացած պատվիրակների խմբով»,-նշեց Ալեն Սիմոնյանը:
Ընտրական հանձնաժողովի նախագահ Գոհար Աբաջյանն էլ նշեց, որ քվեարկությանը մասնակցելու իրավունք ունեցող 276 հոգուց մասնակցել են 205 հոգի: Ըստ հանձնաժողովի նախագահի՝ քվեարկությանը մասնակցել են նաեւ մարզերում. Կապան քաղաքում կուսակցությունն ունեցել է 15 պատվիրակ, որոնք ընտրելու իրավունք են ունեցել, բոլորն էլ մասնակցել են ընտրությանը, Ստեփանավանում 8 պատվիրակից 7 հոգին են մասնակցել, Վանաձոր քաղաքից 10-ից՝ 9 եւ Գյումրիի 13 պատվիրակից՝ 9:
Կարդացեք նաև
Քվեարկողը՝ առաջադրված 31 թեկնածուներից 10-ի անվան դիմաց 1-10 բալային սանդղակով գնահատել է, որոնցից էլ առանձնացել են առավելագույն միավորներ հավաքած 5 թեկնածուները:
Անուշ ՄԱԹԵՎՈՍՅԱՆ
Հաբերություն ձեզ,
եւ աստիճանական հաջողություններ:
Այս է ճիշտ ճանապարհը: