ՀՀ նախագահը շատերին ապակողմնորոշեց սպորտի բնագավառում. հաշվի առնելով նախագահի հետաքրքրությունը բասկետբոլի հանդեպ, որոշ պաշտոնյաներ մոռացան իրենցը։ Անդրադառնանք առավել հայտնի մի քանի քաղաքական գործիչների։
Թենիսի «Արարատ» ակումբի նախագահ Գրիգոր Մելքումյանը «Առավոտին» հայտնեց, որ հիշյալ ակումբ շատ էր հաճախում Վարդան Օսկանյանը՝ մինչ արտգործնախարարի պաշտոնը ստանձնելը։ «Իսկ հիմա նա շատ հազվադեպ է գալիս մեզ մոտ»։ Երեւույթի մասին որեւէ եզրակացություն անելուց ձեռնպահ ենք մնում։ Միաժամանակ նշենք, որ բացի այլեւայլ դեսպաններից ու հյուպատոսներից, «Արարատ» ակումբ, պարտաճանաչ, ամեն կիրակի՝ որդու հետ այցելում է «Երկրապահ» պատգամավորական խմբի նախագահ Սմբատ Այվազյանը։ «Արարատ» ակումբը եւս պատրաստ է «Առավոտի» համար հատուկ պայմաններ ստեղծել։
Հ. ԲՈՒԴԱՂՅԱՆ
