Ե՛վ նախորդ օրը խմբերի եւ խմբակցությունների հետ հանդիպմանը, ե՛ւ երեկ՝ գլխավոր դատախազի միջնորդագրի քննարկմանը նրա տեղակալ, զինվորական դատախազ Գագիկ Ջհանգիրյանը ներկայացել էր գեներալ Մանվելի հետ, որն, ինչքան հասկացանք, նաեւ թիկնապահի դեր է որոշակիորեն ստանձնել։ Սակայն աննախադեպ էր, որ համապատասխան պաշտոն չունեցող գեներալ Մանվելը տեղ էր զբաղեցրել ԱԺ նիստերի դահլիճի՝ կառավարության համար նախատեսված հատվածում։
ԱՅՍ ԱՆԳԱՄ ԱՐՄԱՎԻՐԻ ՄԱՐԶՈՒՄ
Երեկ Արմավիրի մարզի առաջին ատյանի դատարանում, նախագահող դատավոր Տիգրան Պետրոսյան, մեղադրող՝ Ժաննա Կոտիկյան, պետք է սկսվեր Ասողիկ Արիստակեսյանի եւ մյուսների նկատմամբ հարուցված քրեական գործի դատաքննությունը։ Նկատեցինք, որ ամբաստանյալներից երկուսը չեն բերվել դատարան (Օնիկ Խաչատրյանը եւ այս գործով միակ կինը՝ Նինա Մարտիրոսյանը)։ Ամբաստանյալ Հ. Ասրյանը դատարանից ժամկետ խնդրեց գործի նյութերին ծանոթանալու համար։ Դատարանը հարգեց նրա միջնորդությունը, եւ փաստորեն նիստը հետաձգվեց մինչեւ ս/թ. նոյեմբերի 24-ը։
Կարդացեք նաև
ՏԵՍՆԵ՛ՆՔ…
ԱԺ պետաիրավական հանձնաժողովի նորընծա նախագահ Վիկտոր Դալլաքյանը խոստացավ, որ հանձնաժողովի անդամներն ամիսը մեկ կայցելեն հանրապետության կալանավայրեր, ինչպես նաեւ կկազմակերպեն քաղաքացիների ընդունելության հարցերը։
ԱՋԱԿՑՈՒԹՅՈՒՆ ՎԱՐՉԱՊԵՏԻՆ
«Միասնություն» խմբակցությունն ու «Կայունություն» խումբը վարչապետ Արամ Սարգսյանին իրենց աջակցությունն են հայտնել վերջինիս հետ խորհրդարանում տեղի ունեցած հանդիպման ժամանակ։ Հավաստիացրել են նաեւ, որ խորհրդարանական մեծամասնությունը պատրաստ է օժանդակել վարչապետին՝ կառավարության կազմավորման հարցում եւս։
