Այն, որ հակառակ Ռոբերտ Քոչարյանի ցանկության՝ ԶՈՒ հրամկազմը չի ցանկանում ԱԱ նախարարի պաշտոնում տեսնել Գրիգոր Գրիգորյանին, պաշտպանության նախարարությանը մերձ մի անձ այսպես բացատրեց. ճիշտ է, Գ. Գ.-ն իրեն շատ լավ պահեց հոկտեմբերի 27-ի իրադարձությունների ընթացքում, բայց 1996-ի սեպտեմբերին ԱԺ շենքի պահպանության պատասխանատվությունն իրենն էր եւ, ըստ իշխանական միջավայրում այն ժամանակ տարածված լուրերի, նա ուղղակի երկրորդ հարկի պատուհանից փախել էր։ Հավելեց եւս մի դրդապատճառ, որ Գ. Գ.-ն Սերժ Սարգսյանին ամենանվիրված անձանցից է համարվում։
«Ս-Ն ԿԱՐՈՂ Է ԱԴՐԲԵՋԱՆԱԿԱՆ ԲԱՌ Է»
Այն, որ հոկտեմբերի 27-ին կատարած հանցագործությունների մասնակիցներն իբր գրություն են ունեցել, որի վրա «Ս» տառն է եղել, Արտաշես Գեղամյանը հերքեց. «Ս-ն կարող է ադրբեջանական բառ է կամ, ասենք, Սուլեյման Դեմիրել։ Այդ վարկածն է՜լ է մտածված, կզարգացնե՜ն, որովհետեւ Հայաստանի կայունացման երաշխիքներից մեկն էլ մեր Արցախի հերոսական բանակն է՝ իր հրամանատարով։ Դա ուշադրությունը շեղելու համար է։ Բայց դա փուչիկի պես կպայթի»։
Կարդացեք նաև
ՈՉ ՄԻԱՅՆ ՀԱՃԵԼԻ ՀՈՒՇԵՐ
Կոմկուսի ղեկավար Սերգեյ Բադալյանը երեկ ԱԺ-ում խոսելով սահմանադրական փոփոխությունների մասին՝ հիշեց Պարույր Հայրիկյանին. «Սահմանադրությունն արմատապես պիտի փոխվի։ Պարույր Հայրիկյանը, որ մի ինչ-որ հանձնաժողովի նախագահ էր, պատրանքներ էր ստեղծում ինչ-որ փոփոխությունների մասին։ Նախագահին կից այդ կառույցը ոչ մի արմատական, լուրջ քայլեր չէր անում»։ Սեփ. լր.
