Ըստ Ստեփանակերտից հասնող լուրերի, «Երկրապահը» կարծես մտադիր չէ ընդունել լուծարվելու նախապայմանը, որ իր հետ միավորվելու համար առաջադրել է Արցախի պատերազմի վետերանների միությունը։ Սա՝ լուրերի մակարդակով, իսկ պաշտոնապես որեւէ մանրամասն չի հրապարակվել վետերանների այս երկու կազմակերպությունների անցած շաբաթ տեղի ունեցած հանդիպման վերաբերյալ։
ՃՇՏԻ ԵՎ ԱՆՃՇՏԻ ՄԻՋԵՎ
Մենք արդեն բազմիցս անդրադարձել ենք, թե ճի՞շտ է արդյոք զորավար Անդրանիկի աճյունը, մեր երկրի համար ֆինանսական, սոցիալական լարվածության այս շրջանում, Հայաստան տեղափոխելը։ Որոշ բարձրաստիճան անձինք կիսում են մեր տեսակետը, սակայն խուսափում են այն հրապարակավ ներկայացնել։
Կարդացեք նաև
Ամենայն Հայոց կաթողիկոս Գարեգին Բ-ի պարզաբանումները՝ 2-րդ էջում։
ՍԵՓԱԿԱՆ ԱՐՇԻՆՈՎ ՉԱՓԵՑ
Վերադառնալով Թաիլանդից ԱԺ նախագահ Արմեն Խաչատրյանն ասաց, որ միջազգային համաժողովներում խոսվում է այնպիսի բաների մասին, որոնց վերաբերյալ մենք (նկատի ունենալով, հավանաբար, բոլոր հայաստանցիներին) որեւէ պատկերացում չունենք։ Որպես մեր ինտելեկտի համար անհասանելի ոլորտ նշվեցին բիոտեխնոլոգիաները։
ԱՅՍ ԱՆԳԱՄ ԴԱՏԱՎՈՐԻ «ՄԵՂՔՈՎ»
Երեկ ժ. 11.00-ին պիտի շարունակվեր «Վահան Հարությունյան, Վանո Սիրադեղյան եւ մյուսներ» քրեական գործի դատաքննությունը։ Սակայն այն դատավոր Ռազմիկ Թովմասյանի հիվանդության պատճառով չշարունակվեց։ Մեզ հաջողվեց ճշտել միայն, որ նախորդ օրը ժ. 15.00-ի սահմաններում շտապօգնություն է հրավիրվել դատավորի առողջական վիճակի վատացման պատճառով։ Թե երբ կնշանակվի առաջիկա դատական նիստը, պարզ չէ։
Գործի հետ առնչվող այլ դրվագների մասին՝ 3-րդ էջում։
