Կոմկուսի առաջիկա պլենումն, ըստ կոմկուսի առաջնորդ Վլադիմիր Դարբինյանի, տեղի կունենա ոչ շատ ուշ. առաջիկա մեկ ամսվա ընթացքում։ Չի բացառվում, որ պլենումում անվստահություն հայտնվի կոմկուսի ղեկավարի հանդեպ։
Մանրամասները՝ էջ 2։
ԵՏ ՆԱՅԻՐ ԶԱՅՐԱՑԱԾ
Կարդացեք նաև
ԱԺՄ վարչության անցած շաբաթ կայացած նիստի վերաբերյալ լուր էր տարածվել, թե բանավեճերն այնքան սուր էին եղել, որ Ֆիլարետ Բերիկյանը հեռացել էր՝ դուռը շրխկացնելով։ «Խիստ չափազանցված է»,- այս առնչությամբ «Առավոտին» ասաց պրն Բերիկյանը եւ այդ լուրը նաեւ անվանեց «տարրական սադրանք»։
Ֆիլարետ Բերիկյանի հետ հարցազրույցը՝ 3-րդ էջում։
ՉԿԱՐՈՂԱՑԱՎ ՏԱՏԱՆՎԵԼ ՔԱՂԱՔԱԿԱՆ ԳԾԻ ՀԵՏ ՄԻԱՍԻՆ
«Առավոտը» դիմեց պրոֆեսոր Թաթուլ Մանասերյանին՝ պարզելու, թե ճի՞շտ են այն լուրերը, որ իրեն արտաքսել են ՀՅԴ-ից Դեմիս Ռուսոսի համերգները կազմակերպելու համար։ «Դրա հետ կապ չունի,- պատասխանեց պրն Մանասերյանը։- Սա արդեն մեկ տարուց ավելի տեւող ներքին խնդիրների արդյունք է։ Ես կուսակցությանն օգնել էի ձեւավորել տնտեսական բաժին՝ ՀՅԴ ղեկավարության խնդրանքով։ Բայց քանի որ տնտեսական հարցերը հետո հակասության մեջ մտան քաղաքականության եւ անընդհատ փոփոխվող քայլերի հետ՝ ես գերադասեցի զերծ մնալ քաղաքական ցուցումներից»։
ԿՐՈՄՎԵԼԸ՝ ԾԱՂԿԱԲՈ՞ՒՅԾ
Այն հարցին, թե ո՞ւր է իր շահերի պաշտպան, փաստաբան Կրոմվել Գրիգորյանը, նրա պաշտպանյալ Հ. Ասրյանն ասաց. – «Բրաբիոնում» է աշխատում իմ պաշտպանը։ Որ գնացել ծաղկաբույծ է դարձել, դա հաստատ է։ Նկատի ուներ Ծաղիկ Ռուբոյի հետ վերջին նախաիրավական կապերը։
