ՆՈՐ ՑՈՒՑԱՍՐԱՀ Օրերս Կոմիտասի պողոտայում բացվեց հոգեւոր ժամանակակից արվեստի կենտրոն: Կազմակերպիչն է Տիգրան Հակոբյանը, որը չցանկացավ որպես մենեջեր ներկայանալ: Նա մեզ պատմեց, որ իրենց հովանավորն է մշակույթի հետ կապ չունեցող ֆրանսիական «MES» ֆիրման: Ցուցահանդես-վաճառքում ներկայացվել են ինչպես սկսնակները, այնպես էլ հայտնի նկարիչներ, օրինակ՝ Սուրեն Եղիազարյանը, Ռուբեն Աբովյանը եւ այլք: Մուտքի համար գումար չի գանձվում, նկարիչներից, մասնակցելու համար, առավել եւս: Ինչպես ասաց Տ. Հակոբյանը, ցուցահանդեսի նկարները կթարմացվեն մեկ ամսից, եւ մասնակցել կարող են անխտիր բոլոր նկարիչները, պարզապես ցուցահանդեսի թեման հոգեւորն է: Թեպետ ցուցասրահի տարածքը փոքր է, բայց այնտեղ տիրում է հաճելի մթնոլորտ եւ կազմակերպիչները լի են ոգեւորությամբ: Մ. Մ.
