Արմենակ Արմենակյանի իրավահաջորդի շահերի ներկայացուցիչ, փաստաբան Եղիշե Անդրիյանի հետ ունեցանք կարճ զրույց.
– Որքանո՞վ են Ձեր դատավարական իրավունքներն իրականացվում։
– Ընդհանրապես դատավարական իրավունքների առումով դատաքննությունը նորմալ է ընթանում։ Չեմ նկատել, որ որեւէ մեկի դատավարական իրավունքը խախտվի։
– Նախորդ նիստում մեղադրողի հարցերին առարկեցիք, ինչո՞ւ։
Կարդացեք նաև
– Ես դժգոհեցի եւ ցանկացա նրբանկատորեն մեղադրողին հասկացնել, որ հարցերը պետք է տալ ավելի կոնկրետ եւ չչարչրկել մարդու հիշատակը։ Ես ցանկանում էի, որ մեղադրողի տված հարցերից ամբաստանյալ Ն. Հունանյանը չօգտվի, որ իր զոհերին սպանելուց բացի չանվանարկեր նրանց։ Մեղադրողի հարցերը դրան էին նպաստում։
– Վեց ամբաստանյալների համաներմանը ինչպե՞ս եք վերաբերվում, նկատի ունեմ դատաքննության դեռեւս չավարտված փուլը։
– Այստեղ ճշտի եւ սխալի հարց չկա, կա օրենքի ուղիղ պահանջ։ Եթե մարդը ցանկանում է, որ իր վրա համաներում տարածվի, համաներմամբ էլ նախատեսված է այն հոդվածը, որով տվյալ անձը մեղադրվում է, դատարանը պարտավոր է անելու դա, առավել եւս այն անձանց նկատմամբ, որոնք կալանքի տակ են գտնվում։
– Դուք տեղյա՞կ էիք, որ հունիսի 20-ի դատական նիստին համաներում կկիրառվի։
– Բոլորովին տեղյակ չէի։
Ռուզան ՄԻՆԱՍՅԱՆ
Լուսանկարը՝ հեղինակի
