Եվս երկու օր, եւ կիմանանք ֆուտբոլի աշխարհի նորընծա չեմպիոնի ու մրցանակակիրների անունները: Եզրափակիչ հանդիպումից հետո աշխարհի առաջնության հերոսները կմեծարվեն, իսկ հաղթողին կհանձնվի պատվավոր ոսկե գավաթը:
Իսկ ո՞ւմ է այդ պատիվը շնորհվելու: Արտասահմանյան լրատվամիջոցների պնդմամբ՝ Ֆուտբոլային ասոցիացիաների միջազգային միությունն այդ հարցում դեռ չի կողմնորոշվել: Որոշ ԶԼՄ-ների կարծիքով՝ չեմպիոնը մրցանակը ստանալու է Նելսոն Մանդելայի ձեռքից: Սակայն ՖԻՖԱ-ի մամուլի քարտուղար Նիկոլյա Մայնգոն հայտարարել է, թե 91-ամյա քաղաքական գործիչը եւ Նոբելյան մրցանակի դափնեկիրը դեռեւս չի հաստատել իր մասնակցությունը աշխարհի առաջնության փակման հանդիսավոր արարողությանը:
Հիշեցնենք, որ չորս տարի առաջ ՖԻՖԱ-ի նախագահ Զեպ Բլատթերը չցանկացավ մասնակցել պարգեւատրման արարողությանը եւ աշխարհի գավաթը իտալացիների ավագ Ֆաբիո Կաննովարոյին հանձնեց այն ժամանակվա ՈՒԵՖԱ-ի նախագահ Լենարտ Յուհանսոնը: