1997 թվականին իր դստեր ու նրա դասընկերների՝ Երեւանի դպրոցներից մեկի 9-րդ դասարանի եւ դասղեկի հետ Նոյեմբերյանի զորամասի սահմանապահ զինվորներին այցի ժամանակ Ռուբեն Հախվերդյանը, Նոյեմբերյանի «Քամուտ» հեռուստաընկերության եթերում, պատասխանելով լրագրողիս կողմից մի քանի անգամ կրկնված հարցին, թե արդյո՞ք ինքը կոթեցի է, ասաց. «Ես ասֆալտի ծնունդ եմ, էրեվանցի»:
Իսկ իր 60-ամյակի նախաշեմին, պատասխանելով լրագրողների այն հարցին, թե եթե ինքը շատ փող ունենար, ինչ կաներ, հայտնի երգիչն ասել է. «Մեր Կոթի գյուղի ճանապարհը կսարքեի»:
Արժե երգահանին հիշեցնել, որ Կոթի գյուղի ճանապարհը դեռ 2003 թվականին է ասֆալտապատվել IFAD-ի՝ Գյուղատնտեսության զարգացման միջազգային հիմնադրամի միջոցներով: Ռուբեն Հախվերդյանը պետք է որ դա իմանար, քանի որ 2008 թվականի օգոստոսի 8-ին մասնակցում էր Կոթի գյուղի օրվան նվիրված հանդիսությանը: Իսկ եթե նա նկատի ունի Կոթի գյուղի իրենց՝ Հախվերդյաննների թաղը տանող ճանապարհը, ապա դա այլ հարց է: