Ստամբուլում անցկացված Եվրոպական բռնցքամարտի կոնֆեդերացիայի (EUBC) գործկոմի նիստում որոշվել է, որ, սկսած այս տարվանից, մարզաձեւի աշխարհի եւ Եվրոպայի առաջնություններն անցկացնել միեւնույն տարում: Մինչեւ այժմ դրանք հաջորդում էին միմյանց:
2011 թվականի Եվրոպայի առաջնությունը հյուրընկալելու հայտ ներկայացրել էին Թուրքիան եւ Բուլղարիան: Քվեարկությամբ գործկոմի անդամներն այդ իրավունքը տվեցին Բուլղարիայի ազգային ֆեդերացիային:
