Եգիպտոսի ցույցերում շատ մեծ դեր են խաղացել ժամանակակից տեխնոլոգիաները: «The New York Times»-ը գրում է, որ անկարգությունների պատճառը սոցիալական ցանցերն ու բջջային կապն են: Վերջին մի քանի տարիների ընթացքում բջջային հեռախոսներ ունեցողների թիվը Եգիպտոսում մեծացել է ավելի քան երկու անգամ՝ գերազանցելով երկրի բնակչության 50%-ը: Պատկերը նույնն է նաեւ Թունիսում, որտեղ այս ցուցանիշը 80% է: Վերջերս նաեւ բջջայինների օգնությանն են դիմել Եգիպտոսի զինված ուժերը՝ ուղարկելով միմյանց «պահպանենք երկիրը» sms-ներ:
Բրիտանական «The Independent» պարբերականի տվյալներով՝ վերջին մեկ օրվա ընթացքում ավելի քան 800 եգիպտացիներ գրառումներ են արել Twitter-ում, եւ սա այն դեպքում, երբ երկրում ինտերնետ չկա: Google-ը հնարավորություն է տվել հեռախոսահամարներին զանգելով՝ հաղորդագրություն թողել միկրոբլոգային ծառայությունում:
