Սամբո ըմբշամարտի Հայաստանի ազգային հավաքականը ֆինանսների բացակայության պատճառով չի կարող մասնակցել այսօր Մինսկում մեկնարկող աշխարհի գավաթի երկրորդ խաղարկությանը: Եվ որքան հասկանալի է, սա առաջին անգամ չէ: Սամբոյի Հայաստանի ֆեդերացիայի նախագահ Լեւոն Հայրապետյանը «PanARMENIAN.NET»-ին ասել է հետեւյալը. «Սովորաբար, տարվա սկզբին այսպիսի խնդիրներ առաջանում են: Բայց սպորտի եւ երիտասարդության հարցերի նախարարությունը մեղավոր չէ: Քանի որ նախարարության բյուջեն դեռ չի հաստատվել, մենք չենք հասցնում նախապատրաստվել, նախապես տոմսեր ամրագրել, այլեւայլ հարցեր լուծել»:
