Երեկ Հայ ազգային կոնգրեսի երիտասարդական թեւի ներկայացուցիչները այսօրվա հանրահավաքի մասին իրազեկող թռուցիկներ տարածելիս, ինչպես սովորաբար պատահում է ընդդիմության ակտիվիստների հետ նման դեպքերում, հերթական անգամ բռնության են ենթարկվել: Միջադեպերից մեկը տեղի է ունեցել Էրեբունի, մյուսը՝ Կենտրոն համայնքներում: Մի դեպքում նրանցից խլել են թռուցիկները, մյուս դեպքում՝ բարձրախոսը: Ավելի ուշ, ոստիկանները ՀՀՇ կուսակցության գրասենյակից ՀԱԿ ակտիվիստ Նարեկ Սամսոնյանին ու Կարեն Թովմասյանին բերման էին ենթարկել Ոստիկանության Կենտրոնի բաժին, բայց հետո ազատ էին արձակել:
