Գերմանիայի կանցլեր Անգելա Մերկելի՝ Քրիստոնյա-դեմոկրատական կուսակցությունը ծանրագույն պարտություն է կրել Համբուրգում կայացած ընտրություններում: BBC-ի մատուցմամբ, կուսակցությունը ստացել է 22 տոկոս ձայն՝ այն դեպքում, երբ ընդդիմադիր սոցիալ-դեմոկրատները հավաքել են 48 տոկոս քվե, ինչի արդյունքում Քրիստոնյա-դեմոկրատական միությունը զրկվել է Գերմանիայի խորհրդարանի վերին պալատի երեք ձայներից:
Այդ արդյունքը, փորձագետների կարծիքով, ՔԴՄ-ին՝ 2013թ.-ին դաշնային ընտրություններում դժվարին ճանապարհ է խոստանում եւ բարդացնում է իշխանական կոալիցիայի ձեւավորման հեռանկարը:
Մարտին սպասվում են տարածաշրջանային ընտրություններ նաեւ Բադեն-Վյուրտենբերգում, որն ավանդաբար համարվում է քրիստոնյա-դեմոկրատների պատվարը:
