«Առավոտի» երեկվա՝ «Թող գաղտնազերծվեն գիտական հրապարակումները» խորագրով հարցազրույցից հետո խմբագրություն զանգեց ՀՀ գիտության պետական կոմիտեի նախագահ Սամվել Հարությունյանը եւ ասաց, որ իրեն որեւէ մեկը խիստ նկատողություն չի տվել: Ինչ վերաբերում է ՀՀ նախագահի վերահսկողական ծառայության՝ Գիտպետկոմում իրականացրած ուսումնասիրություններին, նա հավելեց, թե այդ «մասով» բոլոր հարցերի պատասխանը տվել է իր ասուլիսում: Իսկ հարցազրույց տված ՀՀ գիտության եւ առաջատար տեխնոլոգիաների ազգային հիմնադրամի հիմնադիր նախագահ Հարություն Կարապետյանի մասին էլ Գիտպետկոմի նախագահը հավելեց. «Երբ մի 10 օր այդ մարդն իմ մասին հոդված չի տպագրում, սկսում եմ մտածել՝ չլինի՞ հիվանդ է, դեղեր ուղարկեմ»:
