Վերջերս իրականացրած մի հետազոտություն ցույց է տվել, որ ախտածին մանրէները կարող են կուտակվել ցնցուղի գլխիկի մեջ եւ հասունանալով տաք ջրի հետ դուրս գալ այնտեղից: Նման մանրէները կարող են խնդիրներ առաջացնել իմունային թույլ համակարգ ունեցող մարդկանց համար:
Ցնցուղի մութ, թաց եւ տաք գլխիկը հիանալի միջավայր է մանրէների զարգացման համար, որոնք առաջացնում են թոքերի հիվանդություններ:
Ցնցուղաջրի մանրէների մակարդակը 100 անգամ գերազանցում է սովորական ջրի մանրէների մակարդակը:
Կոլորադոյի համալսարանի ավագ հետազոտող Լիհ Ֆիզելը թույլ իմունային համակարգով եւ թոքային վարակների հանդեպ զգայուն մարդկանց խորհուրդ է տալիս ցնցուղը փոխարինել շոգեբաղնիքով: Եթե իմունային համակարգը ուժեղ է եւ առողջական խնդիրներ չունեք, ապա ցնցուղից վախենալ պետք չէ:
Mycobacterium avium-ը, որը հայտնաբերվել է ուսումնասիրված նմուշների 20 տոկոսում, առաջացնում է թոքային վարակներ բացարձակապես առողջ, ինչպես նաեւ իմունային թույլ համակարգ ունեցողների (ծխողներ, հարբեցողներ, թոքերի քրոնիկ հիվանդություններով տառապողներ եւ այլն) շրջանում:
Հիվանդությունների նախանշաններն են այրոցքները, չոր հազը եւ շնչահեղձությունը:
Ցնցուղ ընդունելիս մարդիկ սովորաբար առնչվում են մանրէների 60.000 տեսակի հետ, սակայն դրանցից միայն 1 կամ 2 տոկոսն է ախտածին: Մետաղե ցնցուղներն ավելի անվնաս են, քան պլաստիկ ցնցուղները:
Իսկ հիվանդություններից խուսափելու ամենաճիշտ եղանակը ցնցուղի գլխիկը եւ հիգիենայի մյուս պարագաները կանոնավոր մաքրելն է: