Ռազմական գործողությունների վերսկսումը Ադրբեջանի կողմից հեռանկարներ չունի, իսկ ադրբեջանցի քաղաքական գործիչների բազմաթիվ հայտարարությունները ոչ այլ ինչ են, քան ռազմական հռետորության դրսեւորում, «Արմինֆո»-ի հաղորդմամբ, նախօրեին Մոսկվայում հայտարարել է Մինսկի խմբի նախկին համանախագահ Վլադիմիր Կազիմիրովը: «Այդուհանդերձ, պետք է արձագանքել Ադրբեջանի հռետորությանը: Միջազգային հանրությունը ԵԱՀԿ-ի գլխավորությամբ պետք է ընդունի որոշումներ նշյալ հարցի շուրջ, քանի որ պատերազմի վերսկսման սպառնալիքները Ադրբեջանի ղեկավարության կողմից ոտնահարում են միջազգային իրավական նորմերն ու խոչընդոտում հակամարտության խաղաղ կարգավորմանը»,- նկատել է Վ. Կազիմիրովը:
