«Առավոտը» դժգոհություններ է ստացել Խ. Դաշտենցի անվան թիվ 114 դպրոցից: Ըստ մեր աղբյուրի, վերջերս վերանորոգվել է դպրոցի՝ ուսուցիչների համար նախատեսված սանհանգույցը, իսկ աշակերտներինը վերանորոգելու համար ծնողներից 10 հազարական դրամ են պահանջում: Դպրոցի տնօրեն Ռուզաննա Կոստանյանը մեզ հետ զրույցում հերքեց այս տեղեկատվությունը՝ նշելով, որ երեխաներից ոչ մի կոպեկ գումար չի հավաքվում. «Երեխաների սանհանգույցը վերանորոգվել է 2 տարի առաջ եւ գերազանց վիճակում է: Դա 100 տոկոսանոց սուտ է եւ չի համապատասխանում իրականությանը…»:
