Սեւանա լճի ափամերձ հատվածում իրականացվող անտառմաքրման աշխատանքների ընթացքին ծանոթանալու նպատակով, երեկ տարածքային կառավարման նախարար, «Սեւան» ազգային պարկ «ՊՈԱԿ-ի խորհրդի նախագահ Արմեն Գեւորգյանը, բնապահպանության նախարար Արամ Հարությունյանը եւ Գեղարքունիքի մարզպետ Նվեր Պողոսյանը այցելել են Գեղարքունիքի մարզ:
Փոխվարչապետին ներկայացվել է, որ գարնանը կակտիվանան մաքրման աշխատանքները:
Այս մասին տեղեկացնում են տարածքային կառավարման նախարարությունից: Այս տարի նախատեսվում է իրականացնել ընդհանուր առմամբ 283, 3 հա տարածքի մաքրում՝ Նորատուսի, Սեւանի, Մարտունու, Վարդենիկի ու Վարդենիսի հատվածներում: Տեղեկացվել է, որ 2010թ.-ին 167,3 հա անտառածածկ տարածք է մաքրվել:
