Աստծո ամեն առավոտ Նոյեմբերյանի անձնագրային բաժանմունքի առաջ հերթեր են:
Նոյեմբերյանի անձնագրային խմբի ղեկավար Հայկ Մամյանն ասաց, որ այդ հերթերի պատճառը ընտանեկան նպաստի վճարման նոր համակարգի ներդրումն է, երբ նպաստառուները բնակության վայրի վերաբերյալ տեղեկանք են բերում անձնագրային բաժանմունքներից: Նախկինում շատ էին դեպքերը, երբ ընտանիքը նպաստ է ստացել մի մարզում, սակայն փաստացի բնակվել է այլ մարզում: Բացի այդ, բնակիչների հասցեների սխալ գրանցման դեպքերը հարյուրավոր են: Հիմա փորձում են գլուխ հանել այդ շիլաշփոթից:
Փետրվարի 11-ին «Իսկ երբ են պատժվելու մեղավորները», իսկ փետրվարի 17-ին «Իսկ երբ են պատժվելու մեղավորները-2» հրապարակումներով տեղեկացրել ենք, որ սխալ հասցեների արդյունքում շատ քաղաքացիներ, օրինակ՝ նոյեմբերյանցի Սեդա Փաշիկյանն ու Մարիամ Շահնազարյանը զրկվել են նպաստից, հետո դիմել դատարան, հաղթել եւ վերականգնել նպաստ ստանալու իրավունքը:
