![\"\"](\"https://www.aravot.am/2011/aravot_arm/March/3/p10.jpg\")
Մարտի 2-ին Պակիստանի մայրաքաղաք Իսլամաբադում մահափորձ է իրականացվել Ազգային փոքրամասնությունների գործերով նախարար Շահբազ Բհատտիի դեմ: Ինչպես հաղորդում է lenta.ru-ն, պետպաշտոնյայի ավտոմեքենան ավտոմատներից գնդակոծել են՝ մոտոցիկլետով մեքենան շրջապատած անհայտ անձինք:
Հաղորդվում է, որ նախարարը մահացել է հիվանդանոց տեղափոխվելու ճանապարհին: Ոստիկանությունն առայժմ չի հաստատել, թե հարձակվողները կաթոլիկ-քրիստոնյա Բհատտիին սպանելու չարամիտ ծրագրեր են ունեցել: Նախարարը եղել է երկրում գործող աստվածանարգող օրենսդրության հետեւողական քննադատներից մեկը: Համաձայն այդ օրենքի, Մուհամմեդ մարգարեին վիրավորելը պատժվում է մահապատժով:
Նախարարը աստվածանարգող իսլամիստների կողմից սպանվող առաջին զոհը չէ: 2011թ. հունվարի 4-ին Իսլամաբադում սպանվել էր նաեւ Փենջափի նահանգապետ Սալման Թազիրը, որը եւս հանդես էր գալիս այդ օրենքի դեմ: Նրան սպանած սեփական վարորդը ձերբակալվել է եւ նրան մեղադրանք է առաջադրվել:
