Բրաունի համալսարանի հետազոտողները մշակել են մագնիսական այնպիսի համակարգ, որն օգնում է, որ դեղամիջոցն օրգանիզմում ավելի լավ լուծվի: Սովորաբար հաբերը տարածվում են աղեստամոքսային տրակտի ոչ ճիշտ տեղում, որտեղից դեղամիջոցը կարող է անցնել արյան մեջ: Այս նոր հաբը կլուծի վերոնշյալ խնդիրը: Ներկայումս գիտնականները հնարավորություն են ստացել հայտնաբերելու, թե որտեղ է հաբը տեղակայված: Նրանք կարող են արյան նմուշ վերցնել եւ հասկանալ՝ արդյո՞ք այդ մասում գտնվելով բարձրանում է վերջինիս կենսաբանական հասանելիությունն օրգանիզմում, թե՝ ոչ: Ըստ մշակողների՝ սա սկզբունքորեն նոր մեթոդ է դեղամիջոցի արդյունավետությունը բարձրացնելու համար:
Համակարգը կազմված է երկու մասից՝ սովորական ժելատինային պարկուճ, որը պարունակում է փոքր մագնիս, եւ արտաքին մագնիս, որը հստակ գնահատում է իր եւ ներսում գտնվող հաբի մագնիսական ձգողականությունը: Սկզբունքորեն կարեւոր է այն, որ կարելի է փոփոխել ձգողականության ուժը, ինչը թույլ է տալիս հաբն անհրաժեշտ տեղում պահել: Սա առաջին համակարգն է, որը կարող է վերահսկել ընդունած հաբի տեղը՝ առանց առողջությանը եւ ներքին հյուսվածքներին վնաս պատճառելու: