Բրիտանացի երգիչ Էլթոն Ջոնը, որը վերջերս երեխա է որդեգրել, իռլանդացի նկարիչ Քեվին Շարկի կողմից վերջինի «Հայր եւ որդի» կտավում պատկերվել է կրծքով կերակրող «մոր» կերպարով: Նկարիչը վստահեցնում է, որ նպատակ չուներ զարմացնել հանրությանը։ «Ինձ ներշնչել է Ջոնի ու նրա զուգընկեր Դեւիդ Ֆերնիշի պահվածքը»,- ասում է նկարիչը։ Շարկիի այս աշխատանքը ցուցադրված է նրա դուբլինյան պատկերասրահում եւ գնահատվել է 19 500 դոլար։
