Ֆուտբոլի Հայաստանի կանանց ազգային հավաքականը Մալթայում ընթացող Եվրոպայի 2013 թվականի առաջնության ընտրական մրցաշարի երկրորդ մրցափուլում, զրոյական ոչ-ոքի խաղալով Վրաստանի ընտրանու հետ, երեք միավորով ստանձնել է խմբի առաջատարի դերը, քանի որ նույն օրը Ֆարերյան կղզիների թիմը 2:0 հաշվով պարտության մատնեց տանտիրուհիներին: Գլխավոր մարզիչ Վաղարշակ Ասլանյանի սանուհիներն այսօր վերջին հանդիպումն անցկացնելու են Մալթայի հետ: Հիշեցնենք, որ միայն խմբերում առաջին տեղն զբաղեցնող հավաքականներն են պայքարը հաջորդ փուլում շարունակելու իրավունք ստանում:
