![\"\"](\"https://www.aravot.am/2011/aravot_arm/May/20/p30.jpg\")
Կաննի փառատոնում տեղի են ունենում լավագույն ֆիլմերի պրեմիերաներ, աստղերի շքեղության ցուցադրություն, եւ ոչ միայն: Երբեմն նման փառատոներին բացահայտվում են հայտնի մարդկանց անձնական կյանքին վերաբերող հետաքրքիր ու աղմկահարույց մանրամասներ:
Այս անգամ խոսվում է դերասան Լեոնարդո դի Կապրիոյի նոր սիրավեպի մասին:
Անցյալ շաբաթ հանրությանը զարմացրեց դերասանի ու նրա ընկերուհու՝ թոփ-մոդել Բար Ռաֆայելի բաժանման մասին լուրը: Զույգն արդեն 6 տարի ընկերություն էր անում: Ենթադրվում է, որ նրանց բաժանման պատճառ կարող է լինել երիտասարդների չափից ավելի սեփական կարիերայով տարվելը: Լրատվամիջոցները գրում են, որ Ռաֆայելն է ցանկացել, որ իրենք բաժանվեն ու մերժել է դի Կապրիոյի՝ իրենց հարաբերություններն օրինականացնելու առաջարկը:
Օրերս բացված Կաննի փառատոնի շրջանակներում Լեոնարդոն զբոսանավի վրա հանդիպել է ռեժիսոր Սթիվեն Սթիլբերգին: Այնտեղ է եղել նաեւ «Բամբասկոտը» սերիալի աստղ Բլեյկ Լայվլին: Մամուլի աչքից չի վրիպել նրանց առանձնակի ուշադրությունն իրար հանդեպ: Ըստ «New York Post»-ի, զույգին տեսել են «Hotel du Cap Eden Roc»-ի շրջակայքում՝ ռոմանտիկ զբոսանք կատարելիս:
