Google նորաստեղծ սոցիալական ցանցը Չինաստանում ակտիվ եղավ ընդամենը 1 օր: Այս մասին հաղորդում է panarmenian.net-ը՝ վկայակոչելով geek.com-ը, Չինաստանի իշխանությունները չեն դադարում հերթով արգելափակել Google-ի ցանկացած արտադրանք: Իսկ ահա Google+-ին միանալու համար անհրաժեշտ է հրավեր ստանալ, բայց բոլոր ցանկացողները դժվար թե կարողանան միանգամից հայտնվել ցանցում: Չնայած այս փաստին, միեւնույն է՝ Չինաստանի իշխանությունները խիստ են եւ ժամանակ չեն խնայում, երբ հարցը վերաբերում է ամերիկյան սոցիալական մեդիաներին: Այն, ինչ չինական իշխանությունների վերահսկման տակ չէ՝ ենթակա է արգելափակման: Չինաստանի կառավարությունը համարում է, որ Google-ն օգտագործվում է որպես «քաղաքական գործիք»:
