Առնվազն ութ մարդ զոհվել եւ մի քանի տասնյակը վիրավորվել է Կիպրոսի հյուսիսում տեղակայված ռազմական բազայում տեղի ունեցած ուժեղ պայթյունի հետեւանքով: Reuters-ի փոխանցմամբ, այդ մասին հաղորդել է Կիպրոսի News Agency լրատվական գործակալությունը՝ վկայակոչելով զինվորական շրջանակները:
Պայթյունը տեղի է ունեցել «Եվանգելոս Ֆլորակիս» ռազմական հենակետում, որը տեղակայված է Լիմասով եւ Լարնակա ծովափնյա քաղաքների միջեւ ընկած տարածքում:
Նախնական տվյալներով, պայթյունը տեղի է ունեցել ռազմական այն պահեստում, որտեղ պահվում էր 2009թ.-ին Իրանից Սիրիա ուղեւորված նավից՝ Կիպրոսի կողմից առգրավված ռազմամթերքը:
