Թուրքիայի Բինգյոլ-Լիջե ավտոմայրուղու 65-րդ կմ-ի հատվածում PKK-ի զինյալներն ավտոճանապարհային ստուգում են իրականացրել, որի ընթացքում առեւանգել են 3 մարդու: Այդ մասին հաղորդում է news.am-ը՝ վկայակոչելով Firat գործակալությունը: Աղբյուրի մատուցմամբ, քուրդ զինյալներն ավտոճանապարհային ստուգման ընթացքում կանգնեցրել են ռազմական մի մեքենա եւ իրենց հետ տարել մեքենայում գտնվող 2 զինվորականի եւ 1 բուժաշխատողի: Այս միջադեպից հետո Լիջեի շրջան են մեկնել մեծ թվով զինվորական ստորաբաժանումներ եւ որոնողական գործողություններ են սկսել: Հիշյալ օպերացիան իրականացվել է ռազմական ուղղաթիռների աջակցությամբ:
