Վերջին շախմատային օլիմպիադայի հաղթող Հայաստանի պատանեկան հավաքականը շատ մոտ է չեմպիոնի կոչումը պահպանելուն: Սակայն դրա համար անհրաժեշտ է վերջին երկու տուրերում հնարավորին չափ խոշոր հաշվով հաղթանակներ տոնել: Ստացվել է մի այնպիսի իրավիճակ, երբ ուժեղագույն հավաքականներն արդեն հանդիպել են միմյանց հետ ու հիմա նրանց մրցակիցները համեմատաբար թույլ են: Օրինակ, Հայաստանի մրցակիցն այսօր Ղազախստանն է, Ռուսաստանինը` Մալայզիան, Ադրբեջանինը` Թուրքիայի «Կարմիրը», Իրանինը` Վրաստանը: Ռուսները 8-րդ տուրից հետո մեզանից կես միավոր են ետ, ադրբեջանցիները` 2,5: Մեր տղաներին մաղթում ենք միայն 4:0 հաշվով հաղթանակներ:
